طريقة سهلة ولزيزة للبطاطس

 البطاطس من أكثر الأكلات اللزيزة المحببة عند الأطفال 

والكبار وتعتبر البطاطس من أكثر الوجبات السهلة في 

التحضير عند الأحساس بالجوع

اليوم جبتلكم أكتر من طريقة لعمل وجبات لزيزة وسهلة 

وصحية للبطاطسلكل عشاق البطاطس  و بدون تحمير 

فيالزيت لصحة أفضل للأطفال ولينا...

         ★ طريقة البطاطس بالزعتر والزبدة ★

المكونات

 ١- نصف كيلو بطاطس مغسوله كويس جداً
 ٢- ٣ ملعق زبدة سيحة
 ٣- ملعقة زعتر مفروم طازج أو ناشف حسب المتوفر 
 ٤- ملح 
 ٥- فلفل أسود 

*طريقة التحضير* 

قطعي البطاطس ودجز وحطيهم في طبق عميق وقلبي كل المكونات مع البطاطس وحطيها في صنية خبز ومفرود فيها ورق خبز وسخني الفرن كويس وحطي البطاطس تستوي لمدة ١٥ دقيقة ..... 

              ★طريقة البطاطس بالجبنه الشيدر★

 المكونات 

  ١- نصف كيلو بطاطس

  ٢- كوب جبنه شيدر مبشوره

  ٣- كوب بصل اخضر مقطع حلقات صغيرة

  ٤- كوب سجق مقطع صغير 

  ٥- ملعقة ونصف توابل بطاطس من عند العطار 

*طريقة التحضير *

قطعي البطاطس حلقات رفيعة زي الشيبسي ورصيه 

في صنية علي ورق زبده وحطيها في الفرن في طبق أخلطي باقي المكونات مع بعض لحد مالبطاطس تبدء تحمر طلعيها من الفرن ورشي عليها المكونات الفي الطبق ورجعيها الفرن مرة تنية عشان تحمر والجبنه تسيح...

     ★ طريقة البطاطس ودجز مع صوص الجبنه★

المكونات 

  ١- بطاطس مقطعة ودجز

  ٢- نصف كوب جبنه شيدر 

  ٣- نصف كوب جبنه رومي 

  ٤- نصف كوب جبنه موزاريلا

  ٥- نصف كوب جبنه كريمي 

  ٦- لتر لبن

  ٧- ملح وفلفل أسود

* طريقة التحضير*

رصي البطاطس في طنية الخبز عليها ورق زبده

في حلة سخني اللبن ثم حطي كل الجبن مع التقليب 

الجيد عشان الجبن تسيح ممكن تضعي صوص 

الجبنه في كأس وتقدم بجانب البطاطس أو تضعي 

البطاطس في أطباق وضعي فوقها صوص الجبنه

    ★ طريقة البطاطس  بالبقدونس الأعشاب★

المكونات 

  ١-  نصف كيلو بطاطس مسلوقة ومهروسة

  ٢- كوب بقدونس مفروم

  ٣- ملعقة كبيرة زعتر ناشف 

  ٤- ملعقة كبيرة بابريكا 

  ٥-  نصف ملعقة صغيرة جنزبيل ناشف 

  ٦-  ربع ملعقة صغيرة جوزة الطيب 

  ٧-  ملعقة فلفل أسود 

  ٨-  نصف ملعقة شطة حسب الرغبة 

  ٩-  ملح 

  ١٠- ٣ بيضات

* طريقة التحضير *

تهرس البطاطس جيداً ضعي كل المكونات مع البطاطس 

وتقلب عشان تمتزج المكونات كلها مع بعض صبعي البطاطس وضعيها في الصنيه وضعيها في الفرن حتي تحمر  .....

" فوائد البطاطس "

تحتوي كل حبة بطاطس متوسطة الحجم مشوية بقشرها 

علي 

  * 161 سعر حراري 

  *0,2 غرام  دهون 

  * 4,3 غراو بروتين

  * 36,3 غرام كبوهيدرات

  * 3,8 من الألياف 

  * 28% من الأحتياج اليومي من فيتامين سي

  * 26% من الأحتياج اليومي من البوتاسيوم 

  * 19% من الأحتياج اليومي من المنغنيز 

 ويفضل عدم تقشير البطاطس لأحتواء القشرة علي الفيتامين السابقة وتعتبر أكثر أستفادة من البطاطس 

في السلق أو الشوي وأسوء طريقة هي القلي .....